InicioM.ambiente e PatrimonioDúas veciñas crean un 'herbario dixital' para gozar da flora de Cervo...

Dúas veciñas crean un ‘herbario dixital’ para gozar da flora de Cervo a golpe de ‘click’

A través dunha web identifican e describen ata 200 especies diferentes, un traballo desenvolvido no marco das bolsas de formación do Concello de Cervo.

Publicada o

- Advertisement -

Un ‘herbario dixital‘ para mergullarse na riqueza e diversidade vexetal do Concello de Cervo a golpe de ‘click’. Este é o proxecto que veñen de desenvolver dúas rapazas da zona, a artista Uxía Treitas e a bióloga Elisa Rodríguez, a través do programa de bolsas de formación remuneradas do propio concello.

“Apaixoadas da natureza, a fotografía e o traballo ao aire libre”, neste herbario dixital “describen e identifican preto de 200 especies diferentes”; unha recompilación froito dun “intenso labor de campo” que realizaron nos últimos meses no marco da bolsa de formación e que, segundo indican, “irán completando nos seguintes meses para desfrute de todos e de todas”.

Dende o Concello de Cervo parabenizan o traballo destas dúas veciñas e indican que ambas “representan a esencia do programa de bolsas de formación remuneradas que ten en marcha o Concello de Cervo desde o ano 2013”. “Unha importante aposta financiada integramente con fondos propios, que ten como obxectivo prioritario ofrecer á xuventude ese primeiro contacto co mundo laboral, reforzando a súa aprendizaxe para enfrontarse a un mercado laboral cada vez máis esixente e competitivo”, enganden.

Queres descubrir a flora do Concello de Cervo? Preme aquí.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...